පෙර කලේ ඈත පෙදෙස්වල ඉන්නා නැදැයන් හිත මිතුරන් බලන්න ගියේ බෝහෝ ම විවේකයෙන් සතුටින්. කෑම වර්ග එහෙම අරගෙන ඒ යනකොට මග දි ලැබු අත්දැකීම් කවියට නැගීමත් ඒ අයගේ පුරුද්දක් විය.
කොළඹ කොට්ටේ රජ පැවති කාලේ
ඔයක් තිබුණි බෙල්ලන්තොට කඩොල් කැලේ
රිලා වදුරු කැස්බෑවන් දෙගන් තලේ
බලා පදිව් රජසිහ කප්පපු ඇළේ
ඔයක් තිබුණි බෙල්ලන්තොට කඩොල් කැලේ
රිලා වදුරු කැස්බෑවන් දෙගන් තලේ
බලා පදිව් රජසිහ කප්පපු ඇළේ
දෙපෝදාක වැව් බැම්මේ යන කලට
කන්දොස්කිරියව මැඩ්යන්ගේ එමට
ජබු ජබු ගගා දිය පිට පනින කොට
අල්ලා ගන්ට හිතුණ මගෙ අත් දෙකට
කන්දොස්කිරියව මැඩ්යන්ගේ එමට
ජබු ජබු ගගා දිය පිට පනින කොට
අල්ලා ගන්ට හිතුණ මගෙ අත් දෙකට
කිතුලනේ පිල පිට මම ඉන්න කොට
රොටී උයා ගොඩ ගැසුවේ කුල්ලකට
බෙදා හදා කමු කියලා ඉන්න කොට
රොටී ගියා කිතුලානේ පිල දිගට
රොටී උයා ගොඩ ගැසුවේ කුල්ලකට
බෙදා හදා කමු කියලා ඉන්න කොට
රොටී ගියා කිතුලානේ පිල දිගට
කොළඹ කොටුවෙ කොටු දොරකඩ තප්පේ
ඩකු ඩුකු ගගා බිම පෙරළන පීප්පේ
එගොඩ කඩේ තේ විකුණන කෝප්පේ
දෙනවද අක්කෙ ඔය පුච්චන ආප්පේ
ඩකු ඩුකු ගගා බිම පෙරළන පීප්පේ
එගොඩ කඩේ තේ විකුණන කෝප්පේ
දෙනවද අක්කෙ ඔය පුච්චන ආප්පේ
කන්දේ ගසේ පල ගන්නේ පතම්බා
ගගට නැමුණු අත්තේ පලු මුරුංගා
තැටි පුරු වී බිම වැටෙනා කුරුම්බා
තොප රට නැද්ද විකුණන කාමරංගා
ගගට නැමුණු අත්තේ පලු මුරුංගා
තැටි පුරු වී බිම වැටෙනා කුරුම්බා
තොප රට නැද්ද විකුණන කාමරංගා